50-kun oo dollar oo laga qaatay xawaalada Qaran ee Cape-town, S/Afrika
 

Wararka ka imaanaya Magaalada Cape Town ee dalka S/africa ayaa sheegaya in xawaalada Qaran qeybteeda Cape Town ay jiireen maanta qeybaha canshuur qaadista ee dalkaani iyadoo aduun lacageed oo aad u sareeya ka qaaday xawaalada.

Lacag gaareysa $50,000 (Doolar) ayay qeybta cashuur qaadista(Minashiibiyo) S/africa ee SARS ayay xawaaladaasi ka qaadeen iyadoo lala qaaday cadeymo qoraaleed iyo kumbiyuutarkii xawaalada.

SARS ayaa sheegtay in ay soo baarayaan lacagtaasi iyo cadeymaha xawaaladeed ee muujinaya lacagaha la diray ee ku jira kumbiyuutarka , iyadoo wax war oo rasmi ah uusan ka soo bixin dhanka mamulka xawaalada Qaran ee Cape Town.

Dhacdadaani ayaa timid xili qeybta cashuur qaadista S/africa labadii cesho ee ugu dambeeyay ku guda jireen baaritaano ay ku sameynayeen dukaamada Somalida oo ay ka baarayaan alaabaha aan diiwaan gishneen ee ay iibiyaan (Orginal) iyo kuwa magaca Company beeneedka soo sameeysta .


Alaaab isugu jira dharka noocyada kala oo ay ku jiraan jakadaha , alaabaha caruurta lagu cayaarsiiyo iyo qeybo kale oo ahaa kuwa magaca shirkada aan soo sameyn magaceeda lagu soo qoray si macaamiil looga helo ayaa laga qaaday dhowr dukaan iyadoo qiimaha lacageedna lagu qiyaasay dhowr kun oo doolar .

Somalida ayaa caan ku ah in ay si qarsoodi ah u iibiyaan alaabo magac ah (in laga dhigo Companygii sameeyay) iyadoo dhowr jeer ay hore u dhacday arimo noocaan oo kale ah .

Diiwaan Gilin La`aanta Ganacsiga

Wariye Jabriil Amoore ayaa u xaqiijiya shabakada Calanka in Somalida guud ahaan ganacsigooda uusan diiwaan gashneen isla markaana aysan bixin wax canshuur ah .

wariye Jabriil waxa uu leeyahay marar badan ayaa loogu cel-celiyay Somalida in ay diiwan giliyaan ganacsigooda laakiin waa ay ka dhaga fureysteen taasi oo keentay in maanta qeybo ka mid ah ganacsigii Somalida Cape Town albaabada loo laabo.

Warbaahinada dalkaani ayaa dhawanahani waxaa ka baxayay fariimo lagu sheegayo in Somalida ganacsigooda diiwaan giliyaan , iyadoo arimaha iminka socda ay reebayaan saameyn kala duwan.


Saameynta dhaqdhaaqyada socda.

Ololaha ka dhanka ah hab xumida ganacsatada Somaliyed ee S/africa ayaa reebeysa saameyn xoogan oo ku aadan in ganacsiga Somaliyeed oo xor ahaa in uu ahaado mid xakameysan .

Xawaaladaha oo noqon kara shakiga ugu badan ayaan inta badan diiwaan gashneyn marka laga reebo ilaa laba xawaaladood, iyadoo aan la saadaalin karin xaalka sida uu noqon karo.

Ganacsatada oo iminka baraarugay.

Somalida ayaa saacadihi ugu dambeeyay u istaagay baadi goobka waraaqihii alaabaha ay kaga soo iibsan jireen goobaha laga adeegto ee waa-weyn , iyagoo ka baqaya in la weydiiyo cadeymaha muujinaya in alaabtasi leeyihiin.

Cisman Fantastic
Calanka/Puntlander Editor
0027739667794